स्वरलय विरासत

संगीत ही एक वैश्विक भाषा आहे. उत्तम संगीत हे हृदयाला स्पर्श करून जाते. मग ते पाश्चिमात्य असो वा हिंदुस्थानी शास्त्रीय. परंतु पाश्चिमात्य संगीत आणि हिंदुस्थानी शास्त्रीय संगीत यांत फरक आहे. तो आहे गुरुशिष्य परंपरेचा, पारंपारिक पद्धतीने केलेल्या ज्ञानदानाचा. गुरुच्या पिढीने गुणी आणि सत्पात्र अशा तरुण पिढीला हे ज्ञान मौखिक पद्धतीने दान करण्याचा.

पद्मविभूषण पंडित शिवकुमार शर्मा, पद्मविभूषण पंडित हरिप्रसाद चौरसिया, उस्ताद झाकीर हुसेन या दिग्गज कलाकारांनी संतूर, बांसरी, तबला यांसह हिंदुस्थानी शास्त्रीय संगीताला एका वेगळ्याच उंचीवर नेऊन ठेवले आहे. या गुरुवर्यांनी संगीताचा एक उच्च मापदंडच घालून दिला आहे. जगभरातील त्यांचे शिष्य काटेकोर कठोर मापदंडातून कित्येक वर्षं ज्ञानार्जन करत आहेत आणि गुरुंची थोर परंपरा, घराणी पुढे नेत आहेत.

 स्वरलय विरासत  या कार्यक्रमातून संतूर आणि बांसरीवर आधारित काही संगीत प्रकार आपल्यासाठी घेऊन येत आहोत. 

               – हिंदुस्थानी शास्त्रीय संगीत, 

               – लोकसंगीत (Light Indian), 

               – मिश्र संगीत (Indo-Western Fusion) 

               – चित्रपट संगीत 

या वादनातून साक्षात त्यांच्या गुरुजनांच्या सांगितिक प्रवासाचेच प्रतिबिंब आपल्याला दिसले नाही तरच नवल!